طبی میدان میں نمایاں کامیابیوں کے بعد ڈاکٹر اسد مجتبیٰ نے کلفٹن سٹی کونسل 2026 کے لیے انتخابی میدان سنبھال لیا

“بیسٹ آف بزنس ریٹ 2025 ہیلتھ پریکٹیشنر” کے اعزاز یافتہ ڈاکٹر اسد مجتبیٰ نے عوامی اعتماد، مالی ذمہ داری، شفاف بلدیاتی نظام اور مؤثر مقامی حکومت کو اپنی انتخابی ترجیحات قرار دیا

کلفٹن، نیو جرسی: ڈاکٹر اسد مجتبیٰ (ڈی این پی، ایم ڈی، ایم ایس، ایم بی اے ) نے کلفٹن سٹی کونسل 2026 کے لیے اپنی انتخابی مہم جاری رکھتے ہوئے صحت، تعلیم، کاروبار اور عوامی خدمت کے شعبوں میں اپنے وسیع تجربے کو عوامی نمائندگی کی مضبوط بنیاد قرار دیا۔ ان کی انتخابی مہم میں اس بات پر زور دیا گیا کہ مقامی خاندانوں کی برسوں خدمت کرنے سے انہیں قیادت، مسائل کے عملی حل اور شہری ضروریات کو سمجھنے کا قیمتی تجربہ حاصل ہوا، جسے وہ کلفٹن کی ترقی کے لیے بروئے کار لانا چاہتے ہیں۔

انتخابی مہم کی نمایاں خصوصیت ڈاکٹر اسد مجتبیٰ کو کلفٹن، نیو جرسی میں “بیسٹ آف بزنس ریٹ 2025 ہیلتھ پریکٹیشنر” کے اعزاز سے نوازا جانا تھا۔ یہ اعزاز گوگل ریویوز پر مریضوں کی جانب سے دیے گئے مثبت تاثرات، اعتماد اور اطمینان کی بنیاد پر دیا گیا، جس نے معیاری طبی خدمات اور انسان دوست رویے کے حوالے سے ان کی شہرت کو مزید مستحکم کیا۔

انتخابی مہم کے مطابق یہ اعزاز ڈاکٹر اسد مجتبیٰ کی پیشہ ورانہ مہارت، خدمت کے جذبے اور مریضوں کو معیاری طبی سہولیات فراہم کرنے کے عزم کا اعتراف تھا۔ جولائی 2025 کے دوران گوگل ریویوز پر مریضوں کی جانب سے دیے گئے مثبت تبصروں اور اعلیٰ درجہ بندی نے انہیں کلفٹن کے نمایاں اور قابلِ اعتماد طبی ماہرین میں شامل کر دیا۔

مُجتبیٰ کلینک کے بانی کی حیثیت سے ڈاکٹر اسد مجتبیٰ نے کلفٹن، پیٹرسن اور، کوئنز کے رہائشیوں کو بنیادی اور ہنگامی طبی سہولیات فراہم کیں۔ اپنے پیشہ ورانہ کیریئر کے دوران انہوں نے مختلف نسلی، ثقافتی اور سماجی پس منظر رکھنے والے خاندانوں کے ساتھ قریبی روابط قائم کیے اور بہترین طبی خدمات، ہمدردانہ رویے اور کمیونٹی کی فلاح و بہبود کے لیے اپنی وابستگی کے باعث وسیع احترام حاصل کیا۔

طبی خدمات کے علاوہ ڈاکٹر اسد مجتبیٰ نے بطور استاد، چھوٹے کاروبار کے مالک اور متحرک سماجی رہنما بھی نمایاں خدمات انجام دیں۔ ان کی انتخابی مہم میں کہا گیا کہ یہی متنوع تجربات انہیں بلدیاتی امور میں ذمہ دارانہ قیادت، شفافیت، جوابدہی اور عوامی مسائل کے عملی حل پیش کرنے کے قابل بناتے ہیں۔

انتخابی منشور میں مالی ذمہ داری، شفاف اور جوابدہ بلدیاتی نظام، عوامی اعتماد کی مضبوطی، بلدیاتی خدمات میں بہتری اور مؤثر و جوابدہ قیادت کو بنیادی ترجیحات قرار دیا گیا۔ مہم کے مطابق مقامی خاندانوں کے ساتھ براہِ راست کام کرنے کے برسوں کے تجربے نے ڈاکٹر اسد مجتبیٰ کو کلفٹن کے شہریوں کی روزمرہ ضروریات، مسائل اور توقعات سے گہری آگاہی فراہم کی۔

کمیونٹی کے افراد اور مریضوں نے ڈاکٹر اسد مجتبیٰ کو “بیسٹ آف بزنس ریٹ 2025 ہیلتھ پریکٹیشنر” کا اعزاز ملنے پر مبارکباد دیتے ہوئے اسے ان کی انتھک محنت، لگن اور انسانیت کی خدمت کے جذبے کا اعتراف قرار دیا۔ ان کا کہنا تھا کہ یہ اعزاز نہ صرف ان کی طبی مہارت بلکہ کمیونٹی کی فلاح و بہبود کے لیے ان کی مسلسل خدمات کا بھی ثبوت ہے۔

حامیوں نے اس بات پر بھی زور دیا کہ ڈاکٹر اسد مجتبیٰ کی طبی شعبے سے عوامی خدمت کی جانب پیش قدمی دراصل ان کی زندگی بھر کی خدمتِ خلق کا تسلسل ہے۔ ان کے مطابق مریضوں کی دیکھ بھال، ایک کامیاب طبی ادارے کی قیادت اور مختلف برادریوں کے ساتھ عملی طور پر کام کرنے کا تجربہ انہیں کلفٹن کی مؤثر قیادت کے لیے ایک مضبوط امیدوار بناتا ہے۔

اپنے پیغام میں ڈاکٹر اسد مجتبیٰ نے اس اعزاز اور عوامی حمایت پر اظہارِ تشکر کرتے ہوئے اپنے مریضوں اور کلفٹن کے شہریوں کا شکریہ ادا کیا۔ انہوں نے کہا کہ مُجتبیٰ کلینک پر عوام کے اعتماد اور محبت نے انہیں مزید خدمت کرنے کا حوصلہ دیا ہے۔ انہوں نے اس عزم کا اظہار کیا کہ اگر عوام نے انہیں کلفٹن سٹی کونسل 2026 کے لیے منتخب کیا تو وہ دیانتداری، ذمہ داری، شفافیت اور خلوص کے ساتھ شہر کی خدمت کریں گے اور ایک مضبوط، فعال، جوابدہ اور عوام دوست مقامی حکومت کے قیام کے لیے بھرپور کردار ادا کریں گے۔