نیویارک میں ایسوسی ایشن آف فزیشن آف پاکستانی ڈیسنٹ آف نارتھ امریکہ”اپنا” چیپٹر کا سالانہ گالا 19 ستمبر کو ہوگا
یونین ڈیل کے میریئٹ ہوٹل میں منعقدہ تقریب میں عشائیہ، لائیو میوزیکل پروگرام، تعلیمی نشست اور خصوصی بازار کا اہتمام کیا جائے گا’معروف فنکارہ حمیرا ارشد کی لائیو پرفارمنس
یونین ڈیل، نیویارک: نیویارک چیپٹر آف نیویارک میں ایسوسی ایشن آف فزیشن آف پاکستانی ڈیسنٹ آف نارتھ امریکہ”اپنا” کے زیرِ اہتمام سالانہ گالا 19 ستمبر 2026 کو منعقد ہوگا، جس میں کمیونٹی کے افراد اور معزز مہمانوں کی شرکت متوقع ہے۔ سالانہ تقریب میں عشائیے، لائیو تفریحی پروگرام، تعلیمی نشست اور خصوصی بازار سمیت مختلف سرگرمیوں کا اہتمام کیا گیا ہے۔ تقریب کا مرکزی پروگرام شام 6 بج کر 30 منٹ پر میریئٹ ہوٹل، 101 جیمز ڈولیٹل بلیوارڈ، یونین ڈیل، نیویارک میں ہوگا۔ تقریب کے دوران شرکاء کو ایک دوسرے سے ملاقات اور کمیونٹی کے ساتھ روابط مضبوط کرنے کا موقع بھی فراہم کیا جائے گا۔ سالانہ گالا کی خصوصی توجہ کا مرکز معروف فنکارہ حمیرا ارشد کی لائیو پرفارمنس ہوگی۔ منتظمین کے مطابق مہمانوں کے لیے عشائیے کے ساتھ تفریحی پروگرام بھی پیش کیا جائے گا، جس سے تقریب کو مزید یادگار بنانے کی کوشش کی گئی ہے۔ سالانہ گالا کے سلسلے میں ایک خصوصی تعلیمی پروگرام بھی منعقد ہوگا جو شام 4:30 بجے سے 5:30 بجے تک جاری رہے گا۔ تعلیمی پروگرام کی نگرانی اور ذمہ داری ڈاکٹر پرویز اقبال کے پاس ہوگی۔ منتظمین نے تعلیمی سرگرمی کو تقریب کا اہم حصہ قرار دیا ہے۔ اس کے علاوہ شام 4 بجے سے رات 8 بجے تک خصوصی بازار بھی لگایا جائے گا، جہاں شرکاء کے لیے مختلف اشیاء دستیاب ہوں گی۔ بازار میں جیولری، دیسی ملبوسات اور عبایات شامل ہوں گی، جس سے خواتین اور دیگر شرکاء کو خریداری کا موقع بھی ملے گا۔ منتظمین نے کمیونٹی کے افراد کو سالانہ گالا میں شرکت کی دعوت دیتے ہوئے کہا ہے کہ یہ تقریب تعلیم، ثقافت، تفریح، باہمی میل جول اور کمیونٹی سرگرمیوں کا خوبصورت امتزاج ہوگی۔
تقریب میں شرکت کے لیے 150 ڈالر فی فرد فیس مقرر کی گئی ہے، جبکہ ادائیگی کے لیے
Zelle
کا انتظام کیا گیا ہے۔
مزید معلومات اور ادائیگی سے متعلق تفصیلات کے لیے منتظمین سے
پر رابطہ کیا جا سکتا ہے۔
تقریب کی تفصیلات
تاریخ: 19 ستمبر 2026
مرکزی تقریب: شام 6:30 بجے
بازار: شام 4:00 سے رات 8:00 بجے تک
تعلیمی پروگرام: شام 4:30 سے 5:30 بجے تک
مقام: میریئٹ، 101 James Doolittle Boulevard، Uniondale, NY 11553
لائیو انٹرٹینمنٹ: حمیرا ارشد
تعلیمی پروگرام: ڈاکٹر پرویز اقبال
شرکت فیس: 150 ڈالر فی فرد
رابطہ: