نیو یارک(منظور حسین سے)کوئینز اسمبلی کی خاتون جینیفر راجکمارجو میئر ایرک ایڈمز کی قریبی دوست ہیں نے پیر کو”بحران میں گھرے شہر کی بہتر مدد“کے لیے ایک نئی مہم کا اعلان کیا، جینیفر راجکمار کا کہنا تھا کہ ہمیں اپنے شہر کو نااہلوں اور انتہا پسندوں سے واپس لینے کی ضرورت ہے،اور نیو یارک شہر کے کنٹرولر کے لیے انتخاب لڑنے کا ارادہ رکھتی ہیں۔ تفصیلات کے مطابق نیویارک سٹیٹ اسمبلی وومین جینیفر راجکمار(ڈی-38)نے نیویارک سٹی کے پبلک ایڈووکیٹ کے عہدے کے لیے انتخاب لڑنے کا اعلان کر دیاہے جس کا مطلب ہے کہ جون میں ہونیوالے ڈیموکریٹ پرائمری الیکشن میں مئیر ایرک ایڈمز کے بعد موجودہ ڈیموکریٹ پبلک ایڈوکیٹ جمانی ولیمز کو بھی پرائمری الیکشن کا سامنا کرنا ہوگا۔ ڈیموکرٹس امیدواروں کا ایک دوسرے کے سامنے آنے سے ڈیموکریٹ پارٹی کے درون خانہ اختلافات سامنے آرہے ہیں۔نیویارک سٹی کے مئیر ایرک ایڈمز جنہوں نے دوسری ٹرم کے لئے الیکشن کا اعلان کردیا ہے، کے مقابلے میں کمپٹرولر بریڈ لینڈر سامنے آگئے ہیں اور سابق گورنر اینڈریو کو بھی کسی بھی وقت مئیر کی دوڑ میں شامل ہو سکتے ہیں۔ اپنے بیان میں جینیفر راجکمار نے کہا کہ نیویارک سٹی کے تمام پانچ بورو کے ہزاروں رہائشیوں سے ملاقات کے بعد یہ بات واضح ہوا کہ نیویارک کے عوام اپنے منتخب رہنماوں کے انتہا پسندانہ رویے اور روزمرہ کے اہم مسائل کو نظرانداز کرنے سے تنگ آ چکے ہیں۔ اسمبلی وومین راجکمار نے کہا ہے کہ میں اس شہر کے پبلک ایڈووکیٹ کے طور پر خدمات انجام دینے کے لیے تیار ہوں جس سے مجھے محبت ہے۔ ہمارا شہر انتظامی بحران کا شکار ہے اور ہم مزید انتہا پسندانہ ایجنڈے کے متحمل نہیں ہو سکتے۔ ہمیں ایسے ثابت قدم رہنما کی ضرورت ہے جو تمام نیویارکرز کے اہم مسائل پر توجہ دے۔جینیفر راجکمار نے اپنی مہم کے دوران اہم موضوعات جیسے کہ عوامی حفاظت کی بحالی، مہنگائی کے بحران سے نمٹنے، اور غیر قانونی دھندے بند کرانے پر زور دیا ہے۔ جمانی ولیمز کے مقابلے میں چار گنا زیادہ فنڈز کے ساتھ، راجکمار کا کہنا ہے کہ ہم مضبوط پوزیشن میں ہیں اور ان کے عوامی فنڈز کے ذریعے ایک ملین ڈالر سے زیادہ کی اہلیت حاصل کرنے کی توقع ہے۔ جینیفر راجکمارویسٹ چیسٹر کاؤنٹی کے ٹیری ٹاؤن میں یکم ستمبر 1982کوپیدا ہوئیں وہ ایک امریکی سیاست دان ہیں جو 38ویں ضلع سے نیویارک اسٹیٹ اسمبلی کی رکن کے طور پر خدمات انجام دے رہی ہیں۔ ایک ڈیموکریٹ، وہ گلینڈیل، اوزون پارک، رچمنڈ ہل، رج ووڈ، اور ووڈ ہیون کے کوئنز محلوں کی نمائندگی کرتی ہیں۔ انکے والدین ڈاکٹر ہیں جنہوں نے ہندوستان سے ہجرت کی اور سب سے پہلے کوئینز میں آباد ہوئے۔ وہ ہیکلے اسکول کی گریجویٹ ہے۔ راجکمار نے یونیورسٹی آف پنسلوانیا سے بیچلر آف آرٹس کی ڈگری حاصل کی اور سٹینفورڈ لا سکول سے جیوری ڈاکٹر کی ڈگری حاصل کی-
