اسلام آباد : وفاقی حکومت نے ایف آئی اے کے سائبر کرائم ونگ کو سوشل میڈیا پر ہونیوالے جرائم کیخلاف کارروائی کا اختیار دے دیا،وزارت انفارمیشن ٹیکنالوجی کی جانب سے جاری نوٹیفکیشن کے مطابق ایف آئی اے سائبر کرائم ونگ کو سوشل میڈیا پر ہونے والے جرائم کے خلاف کارروائی کا اختیار دے دیا گیا ہے اورایف آئی اے سائبر ونگ اختیارات بحال کردیئے گئے ہیں۔اس سے قبل سوشل میڈیا پر جرائم اور فیک نیوز کا استعمال روکنے سے متعلق نیشنل سائبر کرائم انویسٹی گیشن ایجنسی کو دیئے گئے اختیارات منسوخ کردیئے گئے تھے ۔
