کوئنز، نیویارک (رپورٹ : منظور حسین ): بدھ، 26 نومبر 2025 کو وڈہیون، کوئنز کی 80ویں اسٹریٹ پر واقع پیس ایڈلٹ ڈے کیئر سینٹر میں ایک شانداراورکثیر الثقافتی تھینکس گیونگ تقریب منعقد ہوئی۔ اسمبلی وومین جینیفر راجکمار کی تھینکس گیونگ تقریب میں خصوصی شرکت ‘ اس پروگرام میں مختلف کمیونٹیز سے تعلق رکھنے والے افراد نے کثیر تعداد میں شرکت کی اور شکرگزاری و یکجہتی کے جذبات کو بھرپور انداز میں اجاگر کیا۔
تقریب کا آغاز دوپہر 12 بجے ہوا، جس میں انگریزی، ہسپانوی اور چینی زبان بولنے والے مقامی افراد نے حصہ لیا، جو اس علاقے کی ثقافتی رنگا رنگی کی عکاسی کرتا تھا۔ منتظمین نے شرکاء کی سہولت کے لیے مختلف زبانوں میں معاونت فراہم کی تاکہ تقریب کا انتظام مؤثر اور جامع طریقے سے چل سکے۔ کمیونٹی کی مکمل شرکت کو کامیاب بنانے کے لئیے مختلف زبانوں میں سونی لیاؤ (انگریزی)، کارمین اوسوریو (ہسپانوی)، اور مشیل لیاؤ (چینی) نے مکمل رھنمائی کی ۔ تھینکس گیونگ کی یہ تقریب اتحاد، ثقافتی ہم آہنگی، اور تعطیلات کے موسم میں کمیونٹی سپورٹ کی اہمیت کی ایک خوبصورت یاد دہانی ثابت ہوئی۔
